തള്ളേ.., പിള്ളേ..., അപ്പി... , കുപ്പി.., സോഡാ കുപ്പി... .... തുടങ്ങിയ വിളികളിലൂടെ കേരളക്കര ആകെ ഇളക്കി മറിച്ച സുരാജെ, അങ്ങയോടുള്ള എല്ലാ ബഹുമാനവും നിലനിറുത്തി കൊണ്ട് തന്നെ ചോദിക്കട്ടെ ,"എന്തിനാ ഈ തിരുവനന്തപുരത്ത്ക്കാരെ ഇങ്ങനെ നാണം കെടുത്തുന്നത് ?" മറ്റു നാട്ടുകാരുടെ ഒക്കെ വിചാരം തിരുവനന്തപുരത്ത് ഉള്ള എല്ലാപേരും ഇങ്ങനെയാണ് സംസാരിക്കുന്നത് എന്നാണു. ശെരി ആണോ , അണ്ണാ ? അണ്ണന്റെ ഈ 'തിരോനധരം ഭാഷ' യഥാര്‍ത്ഥത്തില്‍ എവിടെയെങ്കിലും പ്രചാരത്തില്‍ ഉണ്ടോ ? നമ്മുടെ ജില്ലയുടെ അതിര്‍ത്തിയില്‍, തമിഴ്‌നാട് നോട് ചേര്‍ന്നുള്ള പ്രദേശങ്ങളില്‍ ആള്‍ക്കാര്‍ തമിഴും മലയാളവും കലര്‍ന്ന ഭാഷ സംസാരിക്കാറുണ്ട് എന്നുള്ളത് ശെരി തന്നെയാണ്. പക്ഷെ അത് അണ്ണന്‍ സംസാരിക്കുന്ന 'തമിഴും അല്ല, മലയാളവും അല്ല', എന്ന മട്ടിലുള്ള ഭാഷയില്‍ നിന്നും എത്രെയോ വിഭിന്നമാണ് .
ഈ സംസാരം കൊണ്ടാണ് അണ്ണന്‍ രക്ഷപെട്ടത് എന്ന കാര്യം ഞാന്‍ മറക്കുന്നില്ല. അത് കൊണ്ട് ഈ ശൈലി നിറുത്തണം എന്ന് ഞാന്‍ പറയുന്നില്ല. പക്ഷെ, വിനീതമായ ഒരു അപേക്ഷ ഉണ്ട്. ദയവു ചെയ്തു 'തിരോനധരം' എന്ന ലേബല്‍ എങ്കിലും ഒഴുവാക്കികൂടെ ?
എന്ന്,
ഒരു അനന്തപുരി നിവാസി !
No comments:
Post a Comment